Levande Forteljartradisjonar

Publisert 24-11-2015
Hulder og havmann – eit glimt av ein annan tid


20. mai kl. 18 kan du oppleve gamle historier frå Nordmøre og Romsdal på ny og gammal måte. Når du går inn på Plassen i Molde, vil du få lese ei segn i ståltråd, sirleg løkkeskrift meter på meter langs veggen. Historia er skrive ned i Fræna og er frå ei tid kor ein ikkje hadde yr.no, men kor havmannen av og til slengde seg opp i båten og varsla ver. Denne kvelden vil Lars Melsæter Rydjord frå Teatret Vårt fortelje nokre av desse gamle segna, skrive ned på Nordmøre og i Romsdal av Edvard Langset (1867-1924)på ein blanding av dialekt og nynorsk. For segn og eventyr er ikkje berre noko ein har frå Setesdal og Telemark. I området vårt er det ein rik skatt vi kan ause av, men som ikkje har vore så godt kjent. Den fyrste prosjektgruppa i Kreativ Arena Plassen har jobba med ein del av tekstane, og dette kan du få ta del i. I mars lanserte gruppa ei nettside om Edvard Langset: http:// www.edvardlangset.com/ No er ny lansering klar, og denne gongen er det samarbeid med Fjord1 som er i fokus. Fem ferger skal ha segn i form av tekst klistra til vindauge. Dette er historier knytt til hav. Folk langs kysten har jo vore nært knytt til havet og det kom mykje overtru og segn ut av det.

Arkitekt Hallvard Huse, produsent Gjøran Sæther, adjunktane Lene Karlsvik og Merete Bratsberg Aae avsluttar med dette prosjektet sitt i Kreativ Arena Plassen, som har fått midlar frå fylkeskommunen og er satt i gong av Teateret Vårt og Møre og Romsdal Kunstsenter.